-Справувањето со климатските промени во различни сегменти - мониторинг, проценка на ранливост, адаптација, ублажување бара мобилизација, соработка и координација на национално и локално ниво на сите релевантни субјекти, опфаќајќи ја и единката како микро - елемент на општественото живеење. Тоа е и причината поради која сме сите ние тука денес – да ги слушнеме идеите од граѓаните и нивните иновативни предлози за справување со климатските промени. Од рециклирање на вода до чевли и велосипеди кои произведуваат енергија, широкиот дијапазон на иновативни решенија ќе ни помогне на сите да ги намалиме негативните последици од климатските промени и полесно да се адаптираме. Верувам дека ова е само почеток на една инспиративна соработка и нова ера на користење на иновативни решенија за подобра животна средина-изјави министерот за животна средина и просторно планирање Нурхан Изаири на отварањето на Кампот.
На свечаниот настан присуствуваа и Луиза Винтон постојан претставник на УНДП во Македонија, Џихан Султаноглу, помошник генерален секретар на ООН и регионален директор на УНДП, Матс Стефансон амбасадор на Шведска, Џејмс Штајн, директорот на УСАИД и Димитар Трајанов декан и лидер на центарот за социјални иноваци.
Предизвикот е организиран од УНДП, Милиеуконтакт Македонија, Амбасадата на Шведска, УСАИД и Центарот за социјални иновации, а во соработка со Министерството за животна средина и просторно планирање.